سەرۆکی پارتی تەقەدوم، محەمەد ئەلحەلبووسی، لەگەڵ ئەو شاندەی هاوڕێیەتی دەکرد، ڕۆژی پێنجشەممە لەگەڵ سەرۆکی پارتی دیموکراتی کوردستان، بەڕێز مەسعود بارزانی، کۆبوونەوە.
کۆبوونەوەکە جەختی لەسەر گرنگی هاوکاری و هەماهەنگی هاوبەش لە نێوان هێز و لایەنە سیاسییەکانی عێراقدا کردەوە، بۆ پشتیوانیکردنی حکومەتی فیدراڵ لە جێبەجێکردنی بەرنامەکەی و بەدیهێنانی چاوەڕوانییەکانی هاوڵاتییان لە هەموو پێکهاتەکانەوە.
هەروەها کۆبوونەوەکە باسی گۆڕانکارییە هەرێمی و نێودەوڵەتییەکان و ئەو ئاڵنگارییانەی کرد کە ڕووبەڕووی ناوچەکە دەبنەوە، لەگەڵ جەختکردنەوە لەسەر گرنگی یەکخستنی هەڵوێستە نیشتمانییەکان، بەشێوەیەک کە خزمەت بە بەرژەوەندییەکانی عێراق بکات و ئاسایش و جێگیریەکەی بپارێزێت.
