سەرۆکی پارتی تەقەدوم، محەمەد ئەلحەلبووسی، لەگەڵ ئەو شاندەی هاوڕێیەتی دەکرد، ڕۆژی پێنجشەممە لەگەڵ سەرۆکی حکومەتی هەرێمی کوردستان و جێگری سەرۆکی پارتی دیموکراتی کوردستان، بەڕێز مەسرور بارزانی، کۆبوونەوە.
لە کۆبوونەوەکەدا هەردوو لا جەختیان لەسەر پێویستی بەهێزکردنی پەیوەندییەکان و فراوانکردنی چوارچێوەکانی هاوکاری و هەماهەنگی هاوبەش لە نێوان هێز و لایەنە سیاسییەکانی عێراقدا کردەوە، بۆ ڕووبەڕووبوونەوەی ئاڵنگارییە جیاوازەکان و لابردنی کۆسپەکانی ئێستا.
هەروەها هەردوو لا جەختیان لەسەر گرنگی پاراستنی سیستەمی دیموکراسی و فیدراڵی لە عێراق، پشتیوانیکردنی حکومەتی فیدراڵ، و بەشداری کاریگەر لە سەرکەوتنی هەنگاوەکانی سەرۆک وەزیران عەلی ئەلزەیدی لە جێبەجێکردنی بەرنامەی حکومەتەکەیدا کردەوە، لەگەڵ جەختکردنەوە لەسەر پاراستنی مافە دەستوورییەکانی هەموو پێکهاتەکان، و پێشکەشکردنی خزمەتگوزاری بۆ هەموو عێراقییەکان لەسەر بنەمای دادپەروەری و یەکسانی و بەبێ هیچ جیاوازییەک.
